Wararkii U Dambeeyey Suuqa Iibka Ciyaartoyda Ee Ay Maanta Oo Jimce Ah Qoreen Wargeysyada Waaweyn Ee Yurub

 

Tababaraha bayer Muniche ee Thomas Tuchel ayaa albaabada u furay inuu kusoo laabto kooxdiisii hore ee Chelsea marka uu xagaaga ka tago Bayern Munich, laakiin waxa sidoo kale doonaya Manchester United iyo Barcelona

Mulkiileyaasha Liverpool ayaa waxay Axaddii la kulmeen Michael Edwards oo ay isku dayayaan inay ku qanciyaan inuu dib ugu soo laabto kooxda oo uu mar kale u noqdo agaasimaha ciyaaraha, dibna u habeeyo naadiga kaddib bixitaanka Jurgen Klopp

Tababaraha Arsenal ee Mikel Arteta ayaa sheegay in goolasha badan ee ay kooxdiisu dhalinayso xilli-ciyaareedkan aanay waxba ka beddelaynin qorshihiisii suuqa ee ahaa inuu la saxeexdo gool-dhaliye

Difaaca bidix ee Arsenal ee Oleksandr Zinchenko ayaa doonaya Newcastle United iyo Bayern Munich marka la gaadho xagaaga, waxaana la rumaysan yahay in Arsenal ay ku iibin doonto lacag dhan £32.9 milyan oo Gini. 27 jirkan ayaa waqtigiisii Gunners waxa wiiqay dhaawacyo kusoo noqnoqday

Chelsea waxay ka mid tahay tiro kooxo raadinaya weeraryahanka Athletic Bilbao ee Nico Williams oo qandaraaskiisa lagu burburin karayo £42.7 milyan oo Gini. 21 jirkan oo asal ahaan kasoo jeeda waddanka Ghana oo uu walaalkii Inaki Williams u ciyaaro ayaa mustaqbalkiisa la go’aamin doonaa xagaaga. (

Barcelona waxa ay doonaysaa inay kordhiso heshiiska amaahda ah ee Joao Cancelo, laakiin Man City ayaa iyadana ay ka go’an tahay inay si rasmi ah u iibiyaan 29 jirkan reer Portugal xagaaga.

Wakiilka garabka weerarka Napoli ee Khvicha Kvaratskhelia ayaa sheegay in 23 jirkan uu ka tegi doono Napoli xagaaga haddii uu yimaaddo dalab macquul ah. 

Mulkiileyaasha Manchester United ayaa la filayaa inay ka horjoogsan doonaan Mason Greenwood inuu ciyaartoyda kooxda u raaco safarka ay xagaaga ku tegi doonaan waddanka Maraykanka, inkasta oo uu kasoo laaban doono Getafe oo uu amaah ugu maqan yahay

Chelsea ayaa ku qasbanaan doonta inay xaraashto dersin ciyaartoydeeda ah xagaaga, kuwaas oo ay ku jiraan Conor Gallagher, Trevoh Chalobah iyo Aramndo Broja, si ay sare ugu soo qaadaan dakhligooda oo ay uga badbaadaan ganaax

Manchester United waxay wada-hadallo kula jirtaa laacibka reer England ee Kobbie Mainoo oo ay doonayaan inay ka saxeexdaan heshiis cusub, kaddib markii uu bandhig fiican ka sameeyey garoomada